InicioMOV. SOCIAISMohamed Safa analiza este luns na ACAB o xenocidio do pobo palestino

Mohamed Safa analiza este luns na ACAB o xenocidio do pobo palestino

Publicada o

Por Ubaldo Cerqueiro

Continúa demostrando unha preocupación especial a sociedade coruñesa pola situación do pobo palestino. Se a xente xa conta os días para a chegada, o vindeiro 15 de abril da afamada poeta palestina Rafeeh Ziadah, o pasado 31 de marzo, eran moitas as persoas que ateigaban o salón da A.C. Alexandre Bóveda para escoitar a Fayez Badawi.

Fayez Badawi na Asoc. Cul Alexandre Boveda
Charla de Fayez Badawi na ACAB 

A actividade da entidade no marco do ciclo Palestiona Libre continúa este luns 8 de abril, ás 19:00h, cando o salón sito no primeiro piso do Circo de Artesáns, acolla o encontro co activista Mohamed Safa.

Un evento que conta coa colaboración do Xornal da Coruña (Safa será presentado por Ubaldo Cerqueiro, cofundador deste diario), ademais dos grupos BDS GALIZA, SUGxPalestina, e o grupo de igualdade da Facultade de Ciencias da Educación da UDC.

Mohamed Safa Coruna Alexandre Boveda

O activista e oftalmólgo palestino afincado en Corcubión e Cee dende hai máis de 30 anos, fará unha precisa contexualización global do conflito que sofre o pobo palestino, deixando claro que outubro non é a data inicial desta escalada de violencia, pois son xa 7 as décadas pelexando contra a ocupación colonial por parte do estado sionista de Israel.

O autor de varios libros como “La segunda nakba palestina: El proceso de paz” (Ed. Utopía, 2023), “La revolución árabe. Democracia, nacionalismo y religión” (Hoja de Lata, 2017) ou “Palestina, grito por la libertad” (Do Castro, 2003), fará unha análise en clave actual, debullando as claves, as causas e as consecuencias do xenocidio que sofre a día de hoxe o seu pobo.

Durante a palestra, Safa analizará varais cuestións, centrando o tiro a cuestión democrática e a falacia na que vive o estado sionista israelí; o colonialismo e a falta de empatía de occidente, ou mesmo a relación da extrema dereita israelí e a extrema dereita española e europea.

Máis novas

ÚLTIMAS

Homenaxe do PPdeG a Luísa Villalta coa presenza da nai, a irmá e un sobriño

O PPdeG celebrou este sábado un acto na Coruña polas Letras Galegas no que reivindicou...

Sabías que Pablo Picasso se estreou como retratista na Coruña?

Pablo Ruiz Picasso era un neno de 9 anos cando chegou á Coruña, aló...

A Coruña homenaxea a Luísa Villalta, “activista polo idioma” e muller “comprometida”

Autoridades e familiares de Luísa Villalta reivindicaron a obra e a figura da escritora...

Coruña homenaxea a Luísa Villalta, a poeta da ‘Cidade Alta’

Galicia celebra un ano máis a festa da súa lingua e das súas letras. A...

DEIXAR UN COMENTARIO

Please enter your comment!
Please enter your name here