Pode ser o día de celebrar o ascenso a oda unha ACB este domingo ás 18:00h no Forno en Riazor, cun pavillón a rebentar (colgouse o cartel de “Non hai billetes”) ante o Castellón.
O equipo de Diego Epifanio sufriu, e moito, para sacar a vitoria o pasado venres de Oviedo, e tivo que ser na prórroga, cando os herculinos conquistaban o Pumarín. Pero todo se clarea pola banda de Riazor.
Quedan dúas xornadas, e o sábado xa saberemos se este domingo podería celebrar o ascenso en caso de gañar. Os laranxas teñen 1 partido de vantaxe sobre San Pablo Burgos e Lleida, e ten o basketaverage a favor en caso de triple empate, e co Lleida o particular (co San Pablo está perdido por 1 só punto). Deste xeito, se o sábado ás 20:00h perde o San Pablo Burgos ante Fuenlabrada, unha vitoria herculina o domingo daría o título e o ascenso.
Outras posibilidades
A cousa se poría complicada só nun caso: Se vence San Pablo e perde o Leyma e o Lleida. Deste xeio, os herculinos xa non dependerían de si mesmos de cara á última xornada, e poderían acabar tendo que disputar o temido playoff, no que xa ten caído nos últimos anos.
Se esta finde gañan os 3 favoritos os seus partidos, todo quedaría para a última xornada, na que o Basket Coruña quedaría campión se gaña, e tamén se perde e vencen tanto San Pablo e Lleida ou só Lleida.
Máis novas
O deporte feminino coruñés esperta do soño ante a falta de apoios
