InicioPOLÍTICAO BNG critica a mala xestión do goberno socialista coas facturas do...

O BNG critica a mala xestión do goberno socialista coas facturas do IMCE

Publicada o

Por editor

Quedaba fóra do pleno do pasado xoves a moción do grupo de goberno para aprobar un crédito extraordinario de 2 millóns de euros para o IMCE (Instituto Municipal Coruña Espectáculos), debido a que o BNG lle trasladaba ao goberno socialista que non ía votar a favor porque o crédito non incluía todas as facturas que se deben, e que boa parte das facturas contaban con reparos do interventor.

Quere afondar o BNG nesta cuestión para lembrarlle á alcaldesa que “non pode seguir actuando como se tivese maioría absoluta”, deixando claro que o grupo da oposición “non imos avalar a xestión irregular”.

Así, en rolda de prensa, esta mañá, as edís Avia Veira e Mercedes Queixas, pediron ao goberno que “elabore un expediente modificativo que contemple todas as facturas sen pagar e garanta recursos suficientes para atender os compromisos de gasto de 2024”, tendo en conta que o crédito que solicitaban era de 2 millóns a pesar de que o IMCE debe a día de hoxe 3,6 millóns de euros en facturas. “Queremos por riba de todo que as e os profesionais da cultura cobren, pero que o fagan todas e todos, que non haxa discriminacións e por iso o que lle transmitimos ao Goberno Local é que traia ao Pleno, o antes posíbel, unha modificación dos orzamentos que inclúan os 3,6 millóns de euros en facturas sen pagar”, afirmaron.

“Nin sequera sabemos se hai máis facturas que esas”, dixeron Veira e Queixas. “O que si sabemos é que o Goberno Local gasta por enriba do que hai orzado, até o punto de que descoñecemos as facturas que fican por pagar. E de feito solicitámolas por escrito o 21 de marzo e ímolas poder ver o 16 de maio”, remarca Queixas, criticando as “prácticas irregulares -recoñecidas na memoria do IMCE polo propio concelleiro de Fomento e Promoción da Cidade, Gonzalo Castro-“.

”É imposíbel apoiar que, após un ano de espera, uns provedores cobren e outros non. “Por que uns si, e outros, non? Levamos agardando desde 21 de marzo para ver a relación completa de impagos”!, engadiu.

”MALA XESTIÓN”

Critican ademais que “a mala xestión do IMCE fai que o diñeiro para pagar as facturas correspondentes a 2023 se imputen ao orzamento de 2024, co cal fican comprometidas “a programación cultural e as festas deste ano”. “Sirva como exemplo que a partida de festas, inicialmente orzada en 2,8 millóns de euros, tería 928 mil se se aprobar a proposta de crédito que levou o Goberno Local ao Consello Reitor do IMCE”, argumentou Queixas, que lamenta o feito de que o Goberno Local ocultase as débedas do IMCE na negociación dos orzamentos do Concello para 2024 sostida co BNG representa “unha falta de respecto” á formación nacionalista.

ÚLTIMAS

Homenaxe do PPdeG a Luísa Villalta coa presenza da nai, a irmá e un sobriño

O PPdeG celebrou este sábado un acto na Coruña polas Letras Galegas no que reivindicou...

Sabías que Pablo Picasso se estreou como retratista na Coruña?

Pablo Ruiz Picasso era un neno de 9 anos cando chegou á Coruña, aló...

A Coruña homenaxea a Luísa Villalta, “activista polo idioma” e muller “comprometida”

Autoridades e familiares de Luísa Villalta reivindicaron a obra e a figura da escritora...

Coruña homenaxea a Luísa Villalta, a poeta da ‘Cidade Alta’

Galicia celebra un ano máis a festa da súa lingua e das súas letras. A...

DEIXAR UN COMENTARIO

Please enter your comment!
Please enter your name here