Que ben lle senta ás persoas en réxime de semiliberdade estas xornadas de limpeza. O proxecto Entre Crebas, desenvolto pola Asociación Mar de Fábula, permite que as persoas residentes do CIS (Centro de Inserción Social) da Coruña se convirtan en auténticos activistas medioambientais.
Xa é o sexto mes que os “padriños” do Areal da Torre saen a recoller e clasificar toda clase do lixo mariño que o mar nos devolve nesa pequena e fermosa enseada.
”As persoas internas, co seu traballo serio de coidado da natureza, de limpeza do mar, se están a revelar como verdadeiros Axentes do Cambio para construir unha sociedade mellor. ”Estaría ben que todxs tomásemos boa nota do exemplo que este grupo de persoas vulnerables, vítimas desta dura sociedade, nos están a dar a todos”, apunta Xosé Manuel Barros, alma de Mar de Fábula.
Ademais de concienciarse, e de concienciar, deixan o areal moio máis limpo, comprobando que o mar día a día nos devolve moitas das cousas que non debemos ciscar. En total foron máis de 600 anacos de lixo (botellas, cordas, bolsas, microplásticos, prendas, cabichas, moitas cabichas, latas, puntas, toallliñas, bastonciños, tampóns…).
Chamoulles a atención o incremento exponencial das cabichas apañadas este mes (357 en comparación con 39 en marzo) que revela que xa imos de cara ao verán e hai xente que vaise bañar e deixa este residuo na area sen facer caso da prohibición de fumar nos areais desta cidade.
Máis novas
As persoas en semiliberdade do CIS afondan na súa sensibilización ambiental
