Dende o ano 1962 “La Flor del Jamón” é unha das jamonerías máis miticas de Coruña. Moitas xeracións lembramos parar a mercar o bocata do mellor xamón e mellor queixo da cidade antes, durante ou despois da xornada de praia. Adolescentes, xente nova ou xentes de toda a vida saben gozar deste sitio auténtico, dos poucos que quedan nunha cidade onde todo cambia, onde todo se “moderniza”.
Esa maxia de xenuinidade notárono Lola, unha francesa, e Andrew, un estadounidense que levan varios anos afincados na Coruña. Notaron ese feitizo que teñen as formas bruscas das Loli, Manolo e Yoli, que viñeron da Laracha ao centro da cidade (en plena Cordelería está a jamonería) para manter un negocio que xa rondaba os 40 anos de idade.
![Lola e Andrew en “La flor del Jamón”-Foto-Javi Quiroga O Novo Normal](https://xornaldacoruna.gal/wp-content/uploads/2024/05/Lola-e-Andrew-en-La-flor-del-Jamon-Foto-Javi-Quiroga-O-Novo-Normal.jpg)
Lola e Andrew quixeron render homenaxe a este espazo con este singular documental. Deixamos aquí o vídeo documental, e abaixo o contexto, que o explica moito mellor Javi Quiroga, de O Novo Normal, que ademais ponlle voz ao documental.
La Flor del Jamón from Andrew Finkelman on Vimeo.