Segue colleitando premios, e espallando o poder da lingua galega, o proxecto “Aquí Tamén se fala”, desenvolto xa en todo gracias á implicación da comunidade educativa do IES Rafael Dieste.
Este venres coñecíamos que esta campaña da mocidade estudantil galega leva o Premio Rosalía de Castro da Deputación da Coruña deste ano, pero antes xa caera o “Mil Primaveras” que entrega a Comisión de Técnicos/as de Normalización Lingüística do país. Hoxe damos conta do recoñecemento de FEAE á innovación educativa, que se suma aose ao
Este novo galardón chega dunha asociación non gubernamental que traballa no ámbito da educación de varios países de Europa, fundamentalmente en aspectos relacionados coa administración e a xestión educativas. Fundada en París en 1976, conta con sección galega (Forum Europeo Galicia) desde o ano 1991 e máis de vinte Estados con delegación propia.
A iniciativa premiada agora por este organismo naceu dentro das aulas dun instituto coruñés, o IES Rafael Dieste, baixo a coordinación por Arcadio González Nóvoa e Alberto Pombo Añón, e conseguiu ilusionar e envolver máis de 200 centros educativos, 25.000 estudantes e 50.000 espazos, así como aos principais clubs do deporte profesional galego e referentes musicais e culturais internacionais.
Ao tempo, “Aquí tamén se fala” é un proxecto educativo no que o alumnado se forma na comunicación audiovisual e no traballo en redes sociais.
A entrega do Premio será no 26 de xuño no salón de Plenos do Concello da Coruña as 17:30.
Máis novas do proxecto
O proxecto “Aquí tamén se fala” leva un dos Premio Rosalía de Castro de Lingua
O #Aquítaménsefala e o Recuncho Gamer reciben os Premios Mil Primaveras
#Aquitaménsefala: A BSO do IES Rafael Dieste faise en galego
