InicioA CORUÑA#Aquítaménsefala, o necesario festival de música galega para a rapazada

#Aquítaménsefala, o necesario festival de música galega para a rapazada

Publicada o

Por Ubaldo Cerqueiro

Prepárase a comunidade educativa da cidade para invadir a Praza da Tolerancia co gallo do Festival “Aquí tamén se fala galego”. A premiada campaña de normalización lingüística, que suma adeptos (e galegofalantes!) en forma de Festival, organiza un evento máis que necesario: un festival de música galega para a rapazada.

Que un instituto se convirta en produtor musical e arme un festival coma este é un fito histórico en todo o país.

Serán 4 das mellores bandas do panorama musical galaico as que formen a cita que arrinca este venres 7 de xuño ás 17:00h da tarde na praza de Náutica, no que, de seguro, será unha cita histórica para a vinculación entre as comunidades educativas da cidade e a música en galego.

Horarios Festival Aqui tamen se fala 2024

As Bandas

Lontreira, a banda da Illa de Arousa, vén coa súa electrónica galaica cargada de mar e diversión.

Tamén subirán ao escenario unha das revolución da música indie pop da nosa cidade. Leria, formada polas herculnas Mayra, Helena, Itzi e Andrea, chega coa súa “chulita” frescura.

Para o remate quedarán dúas das propostas máis internacionais da nosa música, como son Boyanka Kostova, que traerán a súa Foliada do Inferno á Coruña tras arrasar no Composfet; e Grande Amore, que ademais da súa electrónica, Nuno vai traer unha sorpresa.

Incidencia brutal da campaña

A hostaleria implicada no Aqui tamen se fala
A hostalería, moi implicada co Aquí tamén se fala

Incrible a incidencia que está tendo a campaña promovida polos mestres do IES Rafael Dieste Arcadio González e Alberto Pombo, (podedes coñecer mellor a Alberto na fantástica entrevista que Eva Vieites lle ten realizado no blog da Biblioteca do Ágora). Unha campaña que xa implica a 25.000 estudantes de 200 centros educativos de todo o país, pero tamén trascendendo as fronteiras do sistema educativo.
Seguro que xa vistes os carteis do #Aquítaménsefala en algún escaparate, porque son xa 50.000 espazos os que colaboran coa iniciativa.

Máis novas

“Aquí tamén se fala” convértese en Festival!

O FEAE á innovación educativa, novo premio para a campaña “Aquí tamén se fala”

O proxecto “Aquí tamén se fala” leva un dos Premio Rosalía de Castro de Lingua

O #Aquítaménsefala e o Recuncho Gamer reciben os Premios Mil Primaveras

101 festivais de toda Galicia nun fío

 

ÚLTIMAS

Presentado o programa do Orgullo coruñés

A festa do Orgullo coruñés comezará este sábado 22 de xuño e prolongarase ata...

Inés Rey ve “marxe” para un acordo que evite a folga de limpeza no San Xoán

A alcaldesa da Coruña, Inés Rey, apuntou que existe "marxe" para alcanzar un acordo que...

Persoal da Axencia Tributaria demanda nunha protesta na Coruña melloras laborais

Máis dun centenar de traballadores e traballadoras da Axencia Tributaria (AEAT) secundaron na Coruña...

A Torre de Hércules, Luísa Villalta, o Deportivo e o Básquet Coruña na falla de San Xoán

A Torre de Hércules, a autora Luísa Villalta e o deporte coruñés serán os...

DEIXAR UN COMENTARIO

Please enter your comment!
Please enter your name here