Execútase a política urbanística do goberno socialista da Coruña. Vaise facer patente na macrourbanización de Visma, no Campo da Estrada-A Maestranza, en Labañou coas Percebeiras, ou mesmo no Parque da Agra, como coñecimos hoxe mesmo, coa construción de dous novos bloques.
Pero a que xa se está a executar, a pesar das protestas veciñais pola afectación á Fonte do Picho e ao patrimonio inmaterial dunha zona sacra coma a de Santo Amaro. “Trátase dun atentado ás sinais de identidade de Monte Alto”, denunciaba Defensa do Común. “Un exemplo de deshumanizar a cidade”, calificaba a Asociación de Veciños de Monte Alto.
Pero a especulación urbanística non entende de patrimonio, e menos do inmaterial, e a construción dunha urbanización 260 vivendas (29 torres de 6 andares, algunha de 9) na zona coñecida como “Agra de San Amaro” (a zona verde que hai á esquerda da baixada cara Adormideras), xa está en marcha.
As máquinas xa se atopan poñendo en marcha o proxecto urbanístico da parcela PI Q16.2 “San Amaro – Orillamar” (Polígono Pol-H301) que pretende edificar case 4.500 metros cadrados dos 15.708 que ten a completa parcela, que vai da residencia de maiores Torrente Ballester ata o cemiterio de San Amaro, xusto diante do paseo marítimo que pasa por riba do Club do Mar e do areal.
Unha das promocións herdadas do “vazquismo”, que leva durante anos en conflitos, pero que debido á política urbanística “noventera” deste goberno, sae adiante en pleno 2024.
Máis novas sobre o proxecto
Piden ante a urbanización de San Amaro, que coiden o patrimonio inmaterial milenario da zona
Máis novas urbanísticas
Así será o primeiro edificio da macrourbanización de San Pedro de Visma
O TSXG admite a trámite un recurso contra a urbanización do Campo da Estrada-A Maestranza
