Trala negativa de BNG e PP no pleno, e vendo que a intención do goberno socialista é continuar adiante co proxecto, o grupo popular vén de anunciar que presentará alegacións (proxecto atópase en proceso de exposición pública) ao convenio urbanístico asinado polo Concello e o fondo de investimento Ginko para a urbanización das Xubias.
“Inés Rey di iso ata que se fixou nas Xubias ninguén lle fixo caso. Se mirar As Xubias é vender os fondos urbanísticos e a planificación a un fondo con sede en Luxemburgo e hipotecar o futuro da zona, era mellor mirar outro lado”, critica o voceiro do PP.
O PP, desta volta guía da responsabilidade urbanística, vai recorrer o convenio solicitando que se tramite a modificación do PXOM suspendida no seu momento, e que reduciría notablemente a edificabilidade.
O grupo popular, que critica que o goberno leve 2 anos negociando co fondo sen informa aos grupos da oposición, e puxo un dato singular: “Cada vez parece máis claro que foi un dos motivos da dimisión en 2022 de Juan Díaz Villoslada como concelleiro, logo de aprobar a suspensión de licenzas para reducir a edificabilidade que non ía ser aprobar”.
Ademais, o PP vai pedir a eliminación de Isabel Pardo de Vera como directora do Plan Estratéxico municipal da remodelación da fachada marítima, unha vez que tamén é a asesora deste fondo que leva anos mercando terreos na zona afectada. “Non é ético nin estético que a Alcaldesa nomee directora dun plan estratéxico que incide no futuro da cidade cando é asesora é asesora do fondo.
Máis novas
O bronco pleno rexeita convenio co fondo de investimento para urbanizar as Xubias
A alcaldesa da Coruña disposta a falar co PP tras o veto do BNG ao plan urbanístico das Xubias
O BNG plántase e pide ao goberno socialista suspender o convenio das Xubias con Ginko
A Coruña cede a rehabilitación integral do barrio das Xubias a un fondo de investimentos
