Mentres esperan por ese proceso fallido de unificación nunha Rede Municipal, as Bibliotecas da cidade estrean novo servizo: o préstamos de xogos de mesa.

Hoxe comezaron a impartirse as sesións informativas nunha primeira fase en 4 centros: Ágora, Durán Loriga, Fórum Metropolitano e Os Rosais. A partir do 21 de decembro, xa se poderá acceder a un xogo en préstamo por carné. “O obxectivo é expandilo a toda a rede de bibliotecas no futuro”, aseguraron os membros do goberno.
As presentacións serán realizadas por monitores especializados de Metrópolis Cómics e estarán abertas a un máximo de 16 participantes por sesión, con inscrición previa a través da web das bibliotecas.

Cada biblioteca contará cunha colección inicial de 123 xogos de mesa, dos cales 41 estarán dispoñibles para consulta e o seu uso no local. Esta selección abrangue xogos para todos os públicos: dende xogos familiares como ‘Parchís’ e ‘Ubongo!’, infantís como ‘Times Up!’ e ‘El Frutal’, ata xogos para mocidade e persoas adultas como ‘Azul’, ‘Catan’, ‘Wingspan’ e ‘Fiesta de los Muertos’.

Municipación das Bibliotecas

Mentres, asan os anos e as traballadoras das Bibliotecas seguen esperando polo prometido proceso de municipalización. A pasada semana o asunto volveu ao pleno e dened o goberno aseguraron estar traballando no proceso de municipalización e na creación da Rede de Bibliotecas, con dous movementos necesarios: a modificación da RPT, e presentar a oferta pública e as bases específicas.