Despois da decisión do TSXG de admitir a trámite a denuncia de Defensa do Común e que paralizou provisionalmente os proxectos de construción de bloques de vivendas no Campo da Estrada-Maestranza, a Plataforma Cívica amplía a súa crítica.

A entidade, que nacía en 2016 precisamente coincidindo coa primeira poxa convocada polo Ministerio de Defensa sobre este espazo, explica “a venda de dúas desas parcelas á inmobiliaria vasca Lipromo, obligounos a presentar alegacións ao preceptivo Estudo de Detalle e a interposición dun contencioso, pendiente de dilucidar”.

A día de hoxe, Defensa do Común “esixe da Xunta e do goberno local que informe e denegue, respectivamente, contra o Estudo de Detalle agora presentado, xa que suporía un atentado irreversible ao patrimonio cultural e unha violación clamorosa da súa Lei”.
A entidade lembra que “no contencioso en trámite (contra do Estudo de Detalle aprobado no 2023 para a outra parcela) tamén impugnou indirectamente o PEPRI do 2015 e o PXOM do 2013, en base a que o PERI da Maestranza de 1994 carece de eficaza xurídica”.

Afectación a un BIC

Vai máis alá Defenda so Común que esixe de Xunta e Concello a delimitación do sistema defensivo da cidade vella, declarado como Ben de Interese Cultural. Xa que o documento do Estudo de Detalle presentado pretende a retirada e por tanto esnaquizamento dunha parte dos restos soterrados das murallas da cidade vella.

Explica a entidae que “na parcela 1, na que Lipromo prevé construir, consta acreditada e probada a existencia de restos do sistema defensivo da cidade vella así como da súa importancia e relevancia como patrimonio cultural protexido. Así consta tamén en reiterados informes municipais emitidos polo arqueólogo municipal, e dos cales eran perfectamente coñecedores tanto INVIED (Defensa), cando procedeu a enaxenar a parcela, como Lipromo cando a adquiríu”.

Teno claro a entidade: “O goberno local non debe limitarse a suspender o procedemento senón que, previo informe preceptivo e vinculante de Patrimonio Cultural da Xunta, debe denegar tal proposta de atentado irreversible ao patrimonio cultural”.

Defenda do Común, que asegura que continuará defendendo o patrimonio da cidade, lembra ao respecto que “o pretendido por Lipromo supón unha violación clamorosa do art. 52 da Lei 5/2016 de Patrimonio Cultural de Galiza”.

Máis novas

O TSXG admite a trámite un recurso contra a urbanización do Campo da Estrada-A Maestranza

Piden á corporación que execute os acordos plenarios e non aprobe a construción de 56 vivendas na Maestranza-Campo da Estrada

A sombra do convenio urbanístico de 1984 planea sobre o común

Olladas doutro tempo: O Campo da Estrada e o Aviador