- Xornada 17 – Cádiz – Deportivo (2-4)
- Encontro difícil de definir que remate cun Lucas imperial amosando a súa terrible pegada.
- Por petición popular, quinto encontro de Oscar Gilsanz como adestrador do Depor (3V 1E 1D).
— —- —
E os hai que aínda dubidan de si estes catro poden coincidir no once ou se Lucas e Mario poden xogar xuntos ou si a Mella fáltalle gol. Non hai discusión posible con este ataque, un dos mellores da categoría. Certo é que iso xera certa dependencia á hora de confeccionar un once ou á hora de afrontar sancións ou lesións, pero o que estamos a vivir os deportivistas neste retorno a Segunda División, ben vale unha crónica.
Non está sendo doado, pois os números na casa son pobres e comezouse cunha imaxe de fraxilidade defensiva que alcanzou seu pico no partido do Levante. Pero, máis aló disto e dunha clasificación preto do descenso o que estamos a vivir ten moitos matices únicos que achegan, máis se cabe, a afección e o equipo. Explícome.
O Depor pasa por ter un dos mellores ataques dos últimos anos. Ataque composto por dous produtos de Abegondo (Yeremay e Mella) internacionais sub-21 e sub-19 cousa pouco frecuente por este lares; por un dos maiores representantes do deportivísimo (Lucas) e que está disposto a pagar por voltar ao barro e ascenderte co gol que xa forma parte dos noso logros e por un dos xogadores máis diferenciais da categoría (Mario Soriano) e que ten a media ducia de equipos de Primeira e Segunda detrás del. Todos eles, en verán, puxeron por diante a un recen ascendido antes dos seus intereses persoais.
Mención aparte merece Lucas e súa exhibición do sábado. Despois dun primeiro tempo bastante ramplón e sen moitas accións destacadas pola súa parte, na segunda metade, cando peor se puxeron as cousas coa expulsión de Mella, saíu a maxia do capitán e explicoulle a todo o Novo Mirandilla que non estaba de broma cando dixo que quería voltar á casa. Cousas da vida, o Depor está por riba do Cadiz na clasificación, xusto dous anos despois daquela decisión.
O fútbol é presente, vales o que vales polo momento no que se fala, a historia é ben retorcida e é moi sinxelo esquecela. Por iso, decisións coma a de voltar a casa de Lucas, deixando os cartos a un lado por vestir a camiseta do teu equipo, convérteno nunha parte inesquecible da historia de club.
- Miguel Barreiro Bugallo. Coruñés e deportivista no exilio mesetario. Sufrindo ó depor dende 1988. O que sei de fútbol, o Depor empéñase en negarmo. Firme defensor do fútbol de botas negras.
