Adiantan os prazos os traballos de reurbanización da rúa de San Andrés (esperan que estean rematadas antes do 7 de marzo, cando remata o prazo de execución). De feito, este sábado realizouse apertura e retirada da maquinaria e estruturas en gran parte da actuación, entre a praza de Santa Catalina e a rúa Torreiro.

Entre os últimos avances atópase o remate do treito entre as rúas Santa Catalina e Torreiro, a instalación dos semáforos, as novas marquesiñas do transporte urbano e a colocación de novo mobiliario e novas zonas verdes.

Agora os traballos centraranse ata o final da actuación na reurbanización da rúa cara a praza de Pontevedra. Coa previsión de que poda quedar aberta toda a rúa ao tránsito peonil ata a rúa Alameda o día 30 deste mes mellorando o acceso aos comercios nestas datas de consumo navideño. Ademais, estes días procederase á instalación de luces de Nadal no conxunto da rúa.

Os próximos traballos será a formigonaxe da calzada e beirarrúas no treito final.

O orzamento total desta obra é superior aos tres millóns de euros e o seu obxectivo foi o de recuperar a configuración orixinal de San Andrés no século XVIII como bulevar. Entre as actuacións levadas a cabo está a configuración da rúa nunha plataforma única, a plantación de moreiras de Valdeorras, a ampliación de beirarrúas e a instalación de novo mobiliario.

Máis novas do proxecto