Despois de máis de 30 anos coidando as súas hortiñas, moitos veciños do Castrillón viron esta mañá de luns 17 de febreiro como a pala destrozaba as súas casetas situadas entre Antonio Ríos e Avenda da Concordia, a altura do Centro Deportivo do Castrillón. Unhas hortas que usufrutuaban dun terreo, ata onte, esquecido, propiedade da Sareb e a Fundación Juana de Vega.

Foi no marco das catas arqueolóxicas que está realizando a Xunta de Compensación Parque de Oza, promotora do Plan Urbanístico Especial que vai erguer mil pisos no barrio.

A Xunta colocara varios carteis informativos para que a veciñanza retirase os enseres de devanditas casetas, e esta mañá, as palas procederon ao derrubamento.

Ao longo destas semanas desenvolverase a cata arqueolóxica pola presenza dunha mámoa, para determinar o alcance do xacemento arqueolíxico e ver como encadralo no proxecto urbanístico.

Renovación do Parque de Oza

Comezaron tamén esta mañá os traballos de acondicionamento do Parque de Oza, co obxectivo de garantir a seguridade e o bo estado dun dos espazos verdes máis emblemáticos e utilizados da cidade. En concreto,  actuará nos camiños de terra, reparando os puntos que presentan un maior deterioro derivado da climatoloxía e a propia orografía do parque.
A intervención consiste en levantar o material existente e repoñelo, asegurando unha superficie nivelada e en bo estado.  Os traballos, que terán unha duración estimada de entre dúas e tres semanas, centraranse na renovación duns 160 metros lineais de camiño, especialmente nas zonas con maior pendente, onde a erosión provocada pola chuvia e o paso do tempo provocou socavóns e desniveis.

Máis novas

Arrincaron as obras da prospección arqueolóxica do xacemento Castrillón

A veciñanza do Castrillón pide menos edificabilidade e máis VPO na nova urbanización

A veciñanza do Castrillón amosa as súas inquedanzas ante a creación de 1.000 novas vivendas

As 10 promocións urbanísticas formuladas na Coruña prevén a construción de 18.000 novas vivendas