Como recordou hai apenas un par de semanas a Asociación pola recuperación da Memori Histórica, tamén o BNG lembra a necesidade de convocar o Consello da Memoria Democrática, pois leva catro anos sen ser convocado.
A concelleira do BNG Mercedes Queixas vai defender unha moción, no Pleno do vindeiro xoves 8M, para instar o Goberno Local a que desatasque as súas “múltiples tarefas pendentes” en materia de memoria democrática.
Queixas critica que o goberno local “aprobase o recente nomeamento de lugares da memoria (contorna da Torre de Hércules, Casa Cornide, Casa Casares Quiroga) sen consultar previamente con ese órgano”.
Queixas enumera as “débedas pendentes” do Goberno de Inés Rey en materia de memoria democrática: “Desde hai 6 anos ten nun caixón o informe do Instituto José Cornide sobre as retiradas de honras e distincións a asasinos e represores fascistas. Alén diso, continúa sen cumprir o acordo da Xunta de Goberno Local de 2020 para a colocación dun monumento como tributo aos ‘Irmáns da Lixivia’, asasinados polos fascistas en 1936. Unha escultura de Ramón Conde cedida ao Concello por Selva García, fillo dun dos superviventes da barbarie”.
Máis novas
A CRMH insta o Concello da Coruña á convocatoria “inmediata” do Consello de Memoria Democrática
A Casa Cornide segue sen cumprir coa apertura ao público polo menos 4 días ao mes
