As queixas polo servizo de autobuses que afecta á veciñanza de Oleiros son continuas nos últimos anos. Pero en concellos como o de Oleiros, de menos de 50.000 habitantes, as competencias en transporte son exclusivas da Xunta da Galicia, que se ten comprometido a dar resposta neste mes a varias das demandas realizadas por parte do Goberno municipal.
En todo caso, e mentres a Xunta non avanza, o Concello de Oleiros estea a estudar a creación de 2 liñas de transporte público internas no municipio para atender aquelas zonas máis desatendidas polo servizo de transporte da Xunta.
“A intención é crear unha liña que dea servizo á metade norte e outra para a metade sur, conectadas en varios puntos para facilitar o transbordo, cunha frecuencia que anime a usar o bus”, explican dende o Concello.
Para poñer en marcha este servizo, o Concello reuniuse coa empresa que ten a concesión do transporte na comarca da Coruña. Neste momento, xa existe un proxecto inicial para ambas liñas, que está a ser analizado con detalle por parte do Goberno municipal para acadar o obxectivo de lograr un bo servizo que atenda o mellor posible as necesidades de mobilidade existentes.
Forte malestar veciñal en Oleiros ante a eliminación de autobuses
O Concello de Oleiros considera un “insulto” o “reaxuste” proposto pola Xunta para os buses a Coruña
