InicioA CORUÑACooperativistas de Xuxán piden unha "proposta real" sobre o seu aluguer porque...

Cooperativistas de Xuxán piden unha “proposta real” sobre o seu aluguer porque o “financiamento segue igual”

Publicada o

Por editor

Cooperativistas de Xuxán que denunciaron unha subida do aluguer pediron unha “proposta real” que garanta os prezos inicialmente previstos ao considerar que “o problema do financiamento segue exactamente no mesmo punto desde hai un ano”.

E é que, despois da reunión do xerente da cooperativa Galivivienda, Rafael Román, co Instituto de Crédito Oficial, considerando garantida o financiamento do ICO mostrando, sinalan, “boa disposición” pero sen que haxa “un acordo”, piden concreción. Neste sentido, cuestionan a postura da Xunta ao entender que se colocou á xestora, Galivivienda, “como un afectado máis” considerando que existe unha “defensa” da mesma.

Sobre a comparecencia da conselleira de Vivenda e Planificación de Infraestruturas, María Martínez Allegue, no Parlamento galego, entenden que hai “un intento de eludir a responsabilidade” deste departamento e do Instituto Galego de Vivenda e Solo (IGVS). Por outra banda, reclaman que se aclaren cuestións como que “socios e dereitos de superficie estarían en diferentes cooperativas” e tamén actuacións para “non pór o risco o futuro de 224 familias”.

POSTURA DA XUNTA

Pola súa banda, nun comunicado, a Xunta insiste en que garante “o carácter social” das vivendas e engade que “baixo ningún concepto” vai permitir “que os alugueres alcanzables e taxados por normativa autonómica se vexan desvirtuados polas condicións de financiamento dos préstamos ICO”.

Tamén afirma que espera que este “cambie a súa posición” e que se some á Administración autonómica “e volva ao financiamento previsto inicialmente”. “De non ser así, a Xunta reverterá a situación”, apostila para aclarar que na intervención do pasado día 21 no Parlamento a conselleira “nunca se referiu a os xestores da cooperativa”.

“O compromiso exposto en sede parlamentaria sempre foi cos socios da cooperativa, aos que de novo reiteramos que a Xunta non vai permitir que as obrigacións derivadas das cotas de financiamento desvirtúen o carácter social desta vivenda, cuxo aluguer está taxado por normativa autonómica”.

ÚLTIMAS

As últimas estimacións de voto na Coruña de cara ás Eleccións Xerais do 29N: A loita polo 8º deputado

Hoxe, 19 de novembro é o último día para solicitar o Voto por Correo,...

ADEGA pide aproveitar as obras da pasarela para eliminar as comportas da “lagoa” de Fonteculler

A “lagoa” de Fonteculler é unha pequena acumulación de auga creada de forma artificial...

(VÍDEO): Desaloxan varios colexios da Coruña tras recibiren sendas falsas ameazas de bomba

Mañá axitada en varios colexios da cidade. Os CEIP Zalaeta, CEIP Raquel Caamacho, o...

Máis dun centenar de obras preséntanse aos Premios Mestre Mateo, con entrega de galardóns en febreiro

Un total de 155 obras presentaron candidatura aos XXV Premios Mestre Mateo, cuxa gala...

DEIXAR UN COMENTARIO

Please enter your comment!
Please enter your name here