Trala aprobación na Xunta de Goberno de hoxe, o goberno socialista da cidade levará a pleno a ordenanza fiscal que regula a taxa municipal sobre o imposto autonómico sobre as estadías turísticas, a coñecida como taxa turística.
O goberno indica que servirá para axudar a facer fronte ao aumento dos custes na
prestación de servizos públicos, derivados, en parte, do maior número de viaxeiros e estadías turísticas que se veñen contabilizando na cidade nos últimos anos.
As cifras son rotundas, e van en aumento. Se o ano pasado, A Coruña estivo ás portas de rebasar o millón de turistas, en 2022 foron 750.000.
A taxa irá de 1 a 2,5 € en función do aloxamento: 2,5 € en hoteis de 5 estrelas ou 4 estrelas superior; de 2 € en VUT, hoteis de 4 estrelas, 3 superior, 3 e 2 superior; de 1,5 € a embarcacións de cruceiro, VUT, hoteis de 2 estrelas, 1 superior e 1 estrela; e 1 € no caso de vivendas turísticas.
No caso dos cruceiros que fagan escala na Coruña, a recarga aplicaríase a partir do ano 2026. “Se se cambiase a normativa autonómica estudiaríase a non aplicación desta recarga aos cruceiros, que, en todo caso, non se aplicará neste ano 2025” , matizou a alcaldesa.
Máis novas
