Despois de anos de batalla co Concello pola falta de profesorado ou polas malas condicións do edificio, a ANPA O Bugo volve á carga no comezo deste curso. As familias e alumnado do Conservatorio Profesional de Música de Culleredo denuncian “o caos organizativo
no que se atopa o inicio do novo curso escolar”.
Non comprenden como “logo de ter feita a solicitude de matrícula para o novo curso a finais do mes de xuño, o Concello de Culleredo: Non publicou as listaxes definitivas de alumnado admitido; non remitíu ás familias os horarios das clases colectivas; non convocou ao alumnado para a elección do horario das clases individuais; e non informou sobre a data do inicio do curso escolar e a actividade lectiva”.
Se as clases teñen que empezar antes do 15 de setembro, as familias consideran “un agravio ter que estar a semana na que o resto do alumnado de outros conservatorios públicos de Galicia inicia as súas clases, elexindo todavía os horarios das clases individuais”.
Por iso, reclaman “que se envíen de forma inmediata os horarios das clases colectivas; que se convoquen de forma inmediata as reunións co alumnado para elección de horarios de clases individuais; que as clases comecen antes do fin do prazo indicado pola Xunta”.
En defintiva, piden que o Conservatorio Profesional de Música “non sexa tratado con este desdén”, deixando claro que “a gratuidade non pode ser unha escusa”.
Máis novas
O Concello de Culleredo recoñece a necesidade de arranxar o Conservatorio do Burgo “canto antes”
