Non parece que estea de todo pechado o convenio urbanístico das Xubias, a pesar da aprobación do proxecto modificado no pleno do pasado mes de xullo.

Desta volta, e o Grupo Sumar o que está a. revolver neste proceso de “privatización urbanística” dun barrio tan singular. Xa a semana pasada levou o asunto á Valedora do Pobo, e desta volta, foron os deputados do Grupo Parlamentario Plurinacional Sumar, Verónica Martínez Barbero e Manuel Lago Peñas, os que presentaron no Congreso unha batería de preguntas dirixidas ao Goberno de España para “esixir explicacións sobre a operación urbanística que permite a un fondo de inversión o planeamento urbano de As Xubias, desbotando un plan municipal máis sostible xa tramitado”.

O grupo, que xa ten destacado que o barrio debería estar inserido no proxecto da fachada marítima, lanzou as seguintes cuestións:

• 1. Se considera que este procedemento se axusta aos principios de sostibilidade asinados por España.
• 2. Que plans ten para reactivar a vía ferroviaria como tren de proximidade.
• 3. Que actuacións prevé para a senda litoral metropolitana.
• 4. A compatibilidade dos plans públicos co convenio asinado polo concello.

Novas do proceso

Análise: Que foi do interese xeral na reordenación urbanística da fachada litoral nas Xubias?

Aprobado o modificado convenio das Xubias nun pleno no que marchou o PP

Primeiras críticas ante o desbloqueo do acordo co fondo de investimento suizo para a urbanización das Xubias

A Coruña cede a rehabilitación integral do barrio das Xubias a un fondo de investimentos