Este domingo 5 de outubro chegou á Terminal 1 do Aeroporto Adolfo Suaréz Madrid-Barallas o primeiro grupo de participantes españolas deportadas desde Israel, tras ser asaltadas na Flotilla Global Sumus o 1 de outubro en augas internacionais e levadas contra a súa vontade a territorio israeli. Ademais viaxan participantes de polo menos outros dous estados: Países Baixos e Portugal.
Aló quedan, recluídas na prisión israelí de Ktzi’ot, outras 28 participantes, entre os que está a coruñesa Sandra Garrido. Dende o Movemento Global para Gaza-Galiza informan de que a día de hoxe teñen constancia de que 8 das 19 participantes da campaña estatal (a herulina entre elas), manifestaron que no caso de ser asaltadas e reclutadas, poríanse en folga de fame.
“A falta de información sobre o terreo débese a que o grupo de avogadas de Adalah (que presta apoio legal á Global Sumud Flotilla) está a sufrir multitude de trabas por parte das autoridades israelís. Iso levou a que máis de 200 participantes non tivesen asistencia letrada durante as audiencias nin se puideron entrevistar coa totalidade por falta de tempo concedido dentro da prisión para tentar ver a todas”, sinalan dende a plataforma.
A Flotilla sinala que non puideron contactar coMinisterio de Asuntos Exteriores e Cooperación “porque se nos negou resposta a todas as solicitudes de contacto que se
realizaron durante o último mes. Tampouco tivemos comunicación por parte do encargado de asuntos consulares da embaixada española en Tel Aviv, que é a persoa indicada polo ministerio de asuntos exteriores como interlocutora coas autoridades israelís e que debe prestar a debida asistencia ás 49 participantes”, lamentan.
Máis novas
A herculina Sandra Garrido, embarcada na Flotilla Sumud do Global Movement to Gaza
A Coruña protagoniza unha espectacular manifestación por Palestina
