Ambiente reivindicativo e festivo o vivido este pasado sábado na marcha organizada pola ANPA do CEIP Valle Inclán para denunciar os recortes do profesorado no centro de Oleiros. Máis de trescentas persoas camiñaron dende Santa Cristina ata o CEIP Valle Inclán, con presenza de numerosas familias, o profesorado así como membros doutras ANPAs de colexios de Oleiros, representantes do Concello de Oleiros e de varios partidos políticos, veciñas e veciñas, tamén chegados doutras parroquias para apoiar as nosas reinvindicacións.
Ao remate daa marcha leron este manifesto no que debullan as necesidades que ten o centro máis dun mes despois do comezo de curso.
Manifesto da ANPA Valle Inclán
A ANPA Valle Inclán leva denunciando a grave falta de mestres no noso colexio dende o inicio de curso.
Esta escaseza de profesorado afecta a moitos aspectos no funcionamento do centro e á calidade da formación que reciben os nosos fillos e fillas na escola.
As gardas non están cubertas cun número suficiente de docentes.
O tempo adicado ó reforzo nas aulas do alumnado con necesidades especiais de atención educativa (NEAE) redúcese notablemente para cada alumno.
A día de hoxe están paralizados varios proxectos didácticos emblemáticos que sempre se realizaron no noso colexio grazas á implicación do profesorado e á enorme colaboración do Concello de Oleiros: a horta escolar, robótica e informática, a sección bilingüe ou as actividades extraescolares complementarias e as saídas didácticas e excursións.
Rebaixase o tempo destinado á coordinación dos equipos de dinamización da Biblioteca e da língua galega, de mellora da contorna ou das TIC.
A ANPA Valle Inclán remitiu o 19 de setembro un escrito tanto á Inspección Educativa e coma á Dirección Territorial da Consellería de Educación para solicitar con urxencia o aumento da dotación de persoal docente; para esixir o cese inmediato da vulneración do dereito fundamental dos nosos fillos e fillas a unha educación pública inclusiva e de calidade.
Non obtivemos resposta algunha dende a Consellería.
Conseguimos que a Inspección Educativa nos recibise… pero non aportou ningunha solución para resolver estas carencias. Absoluta indiferenza.
Recoñeceu que a falta de docentes nos centros educativos públicos é un problema xeneralizado, alegando que se trata dunha decisión política.
Remitiunos ó Director Territorial, que non acepta reunirse con nós.
Estamos a comprobar que para a Consellería os nosos fillos e fillas son unicamente números.
E para que os números e as contas da Consellería encaixen, as familias usuarias das escolas públicas debemos ver comprometida a seguridade e o cuidado dos nosos fillos e fillas, debemos renunciar a proxectos didácticos que son un valor engadido e ademais debemos conformarnos no que se refire á inclusión e á atención á diversidade.
Máis novas
As familia do CEIP Valle-Inclán de Oleiros saen á rúa: “Neste centro, faltan mestres!”
Outras novas das ANPAS
ANPA As Pedreiras: “Collo vacacións en setembro para poder resolver o comezo de curso”
ANPA Faro: “As administracións deberían facerse cargo da educación de 7.30 a 16.30h”
