Arrrincaban en agosto as obras para liberar o Xardín do Observatorio, e esta mañá de martes 14 de outubro protagonizaron un fito: a demolición dos muros exteriores do parque do Observatorio, no sector lindeiro á rúa Canceliña.
Un momento histórico que non quixeron perder ducias de veciños e veciñas, que vén como vai collendo forma o que vai ser “un anaquiño” do tan necesario e demandado Parque da Agra. Porque hai décadas que a veciñanza da Agra do Orzán clama por un pulmón verde, como o demostraron nas mobilizacións do ano pasado.
O Concello xa está a traballar na definición do proxecto para acondicionar a superficie que se abrirá á cidadanía, así como os seus usos.
Sobre o papel, a concesión demanial obtida polo Concello permitirá contar con dúas superficies de terreo que contan con accesos ás rúas Canceliña e Gregorio Hernández, que se sumarán aos máis de 3.000 metros cadrados cedidos nunha parcela lindeira ao parque, o antigo soar das Adoratrices, tralo acordo cos promotores dunha nova promoción urbanística no lugar.
Máis novas do proceso
Comezan as demandadas obras para liberar o Parque do Observatorio
#ParquedaAgraXa: O clamor da Agra do Orzán por unha zona verde volveu invadir as rúas
