Continúa a cidade vivindo necesarias homenaxes a ilustres vítimas do franquismo. Esta semana xa houbo actos arredor da figura de Moncho Reboiras, e este sábado, tivo lugar no Campo de Martes, unha homenaxe a Ramón Maseda Reinante, veciño coruñés, socialista e libre pensador, asasinado en 1936 pola represión fascista.
O acto, organizado pola Asociación Veciñal Atochas-Monte Alto en colaboración co Concello da Coruña, serviu para descubrir unha placa conmemorativa que lembra o compromiso de Maseda coa liberdade, a xustiza social e a dignidade humana.
Ramón Maseda Reinante foi presidente da Agrupación Socialista da Coruña, secretario da Liga Española dos Dereitos do Home e presidente da Sociedade Antorcha Galaica del Libre Pensamiento.
Outras novas de memoria democrática
Presentado o libro que conmemora o 50 aniversario do asasinato do sindicalista Moncho Reboiras
San Amaro recibiu os restos de Francisco Miguel, outra vítima do franquismo
