Esta tarde de xoves 30 de outubro, ás 19.30h, a Comunidade Saharauí en Galicia realizará unha concentración fronte á Subdelegación do Goberno. A comunidade rexeitamento ao Plan de Autonomía para o Sahara Occidental que, impulsado por Trump, examinará mañá o Consello de Seguridade da ONU. De aprobarse consolidaríase aínda máis a ocupación marroquí e avanzaríase nunha imposición que é contraria ao dereito internacional.

A cita, apoiada pola Rede Acampa pola Paz e o Dereito a Refuxio e a ONG Aire, serve para pedirlle a España que apoie as súas reivindicacións, ser xuíces do seu propio destino, o cumprimento das resolucións da ONU que recoñecen os seus dereitos e a convocatoria dun referendum en condicións de liberdade que lles permita decidir o seu futuro.

Lembran que “o pobo saharauí é o único propietario lexítimo do Sahara Occidental, tal e como recoñeceron tanto a ONU como a Corte Penal Internacional e a Unión Africana. Este plan afastaría aínda máis de recuperar a súa terra aos miles de refuxiados e exiliados que desde hai décadas esperan que o Dereito internacional se impoña. Os saharauís seguen esperando que España asuma a súa responsabilidade legal co seu pobo e deixe de dobrar fronte aos intereses de Marrocos”.