Despois de todo un ano de mobilizacións, a comunidade escolar do CEIP Prácticas volveu concentrarse esta mañá ás portas do edificio Normal para “celebrar o primeiro aniversario da caida da cornixa”. Con retranca e reivindicación as familias volveron berrarlle ao Concello e á Xunta que “o Prácticas segue en loita”.
View this post on Instagram
As deficiencias
As familias debullan as necesidades do edificio que poñen en risco a vida e a saúde dos 250 nenos e nenas que reciben aulas no CEIP de Prácticas:
- Dende maio de 2025 parte dos aseos destinados ao alumnado están pechados por un atoamento que require de obra maior. Isto supón que as crianzas cheguen incluso a mexarse por enriba por non dispor de sanitarios suficientes.
- Os diferentes enreixados de peche así coma as cancelas, están enferruxados e rachados co perigo que isto pode supor para o alumnado.
- O chan do patio está cuberto de fochancas.
- As humidades son dunha relevancia tan grande que mesmo nacen fungos en mesas e portas.
- O alicatado de zonas comúns coma o ximnasio ou algúns baños cae por falta de mantemento
- A pasada semana dende o centro tiveron que dar avisode desinfección urxente por mor de que varias crianzas tiveron problemas de erupcións cutáneas por usar determinados elementos do ximnasio
- O chan afúndese baixo os pés das nosas fillas e fillos…
A preocupación na comunidade escolar aumenta ao ver que a partida para Educación proposta nos Orzamentos de 2026 da Xunta de Galicia mérmase de maneira significante e non aparece dotación económica específica para acometer a reforma integral que o colexio precisa.
Do mesmo xeito continúan sen prazos oficiais por parte do Concello da Coruña para realizar as obras de mantemento requeridas, “malia que a Alcaldesa insista en que non son da súa competencia”.
Máis novas
Un ano de mobilizacións da ANPA do CEIP de Prácticas contra o lamentable deterioro do centro
