Segue a cidade da Coruña situándose como un referente estatal en materia de servizos sociais. Como vimos comprobando nas pasadas semanas, infraestuturas como o servizo de de atención en rúa a persoas sen fogar, o Centro de Baixa Esixencia, ou a rede de entidades que traballan nos cimentos máis básicos da nosa sociedade, fan da Coruña un exemplo estatal na materia.
Seguro que esa é unha das razóns polas que a Rede Europea de Loita contra a Pobreza e a Exclusión Social no Estado Español (EAPN-ES) veña celebrar os próximos 26, 27 e 28 de novembro o seu Seminario Anual ‘Garantía de Dereitos e Novos Modelos de Servizos Sociais’, en colaboración coa súa rede territorial EAPN-ES Galicia.
A presente edición reunirá a máis dun centenar de representantes das redes territoriais de todas as Comunidades Autónomas e das entidades Estatais que forman parte de EAPN-ES, co obxectivo de analizar a situación dos servizos sociais e a súa diversidade territorial, así como identificar os retos, carencias e oportunidades de mellora do modelo actual.
Trátase dun evento de referencia na análise e propostas de políticas públicas desde a visión experta das organizacións sociais. Neste sentido, examinarase tamén a función do Terceiro Sector como apoio e reforzo do sistema público, á hora de garantir que o estado do benestar chegue a toda a poboación.
A importancia do estado de benestar
O presente Seminario chega un mes despois da presentación do XV Informe ‘O Estado da Pobreza. Pobreza e territorio. Comunidades Autónomas e Unión Europea’. Entre as principais conclusións, EAPN-ES destaca a necesidade de mellorar as axudas e prestacións autonómicas, como unha das claves para previr a pobreza e a desigualdade territorial. De feito, segundo o estudo, en Galicia o estado do benestar evitou que 760.000 persoas entrasen en pobreza en 2024: de non existir ningunha axuda nin prestación, incluídas as pensións, a pobreza chegaría a 1.144.000 galegos e galegas.
Aínda así, as cifras mantéñense altas e constantes na rexión, con máis de 500.000 persoas en situación de pobreza.
O programa
A inauguración do Seminario terá lugar a tarde do 26 de novembro ás 17:00h no Paraninfo da Universidade da Coruña.. Despois da inauguración, terá lugar o primeiro relatorio marco do Seminario ‘Benestar e cambios sociais: claves para unha transición xusta e inclusiva’, a cargo de Antón Costas, presidente do Consello Económico e Social de España (CES).
Durante a xornada do xoves, cómpre destacar o Panel “Políticas e prácticas emerxentes: transformando os Servizos Sociais para unha maior equidade”, no que falará a directora do EMIS, Bea Leal, que nos achegaba ao traballo municipal.
Ao longo das xornadas falarán responsables de entidades e administracións.
Máis novas
O Centro de Baixa Esixencia de Labañou cumple un ano: “Un espazo de dignidade dentro da cidade”
Os Servizos Sociais da Coruña para as persoas sen fogar, un mar de segundas oportunidades
A campaña #OrgulloTerceiroSector demostra a profesionalidade das entidades sociais
