Chegou o día. Despois de case 3 anos de exilio na potente carpa provisional instalada na Praza de Indalecio Prieto, o novo Mercado de Monte Alto abriu as portas neste mércores 10 de decembro. 9 postos (que poderían chegar a ser 22 cando saia “nas vindeirqas semanas” a nova licitación dos postos que aínda están baleiros) xa teñen os seus produtos ao servizo dos usuarios do barrio, con referentes como Froitas Boedo e Maroño ou Marc del Norte.
Foron 3 anos de obras dun espazo de 15.000 metros cadrados, xa que ademais incluiu a humanización da rúa Joaquín González, que baixa dende a Avenida Hércules ata Ángel Rebollo e que queda peonil. Unhas obras que supuxeron un investimento de 10 millóns de euros (cofinanciado con fondos eurpeos PIREP), e que remataron cun ano de retraso, se ben o Concello leva poñendo esta data de apertura dende hai ano e medio.
Queda pendente abrir ao público a praza superior, a apertura do aparcamento e do Gadis, dos elevadores (pendente dos últimos remates), o espazo polivalente para uso veciñal onda a rúa Forcarei, así como da Escola Infantil de Monte Alto, situado na esquina da rúa Cuento e Avda. Hércules, que esperará para realizar a mudanza ata o curso que vén.
Con todo, hai satisfacción entre os praceiros que volven a un espazo moito máis cercano á súa clientela de toda a vida.
A xornada de inaguración acolleu a visita dunha completa comitiva municipal, e que rematou cun ágape e a actuación da Coral.
Ademais, tamén se aproveitaron os traballos na contorna do mercado para habilitar unha nova base de BiciCoruña a poucos metros do edificio.
Máis novas
Xuxán, Meicende, Os Mallos e Monte Alto estrearán 6 novas estacións de Bicicoruña
Así será o novo Mercado de Monte Alto, cuias obras rematarán a finais de 2025
