A pantasma da verdade sobre o Mundial 2030 segue flotando sobre María Pita. Despois de un ano de absoluto silencio, nalgún momento deste ano o grupo de goberno terá que dar explicacións sobre a posición na que se atopa A Coruña con respecto á cita deportiva máis importante do planeta.
Quen se vai ocupar de lembrarllo é o PP, que quere facer sangue da falta de concreción e da máis que posible perda dunha oportunidade histórica. O grupo de Miguel Lorenzo volve preguntar preguntar por esa Comisión Especial sobre o Mundial 2030 aprobada por unanimidade no pleno de decembro.
“A convocatoria é necesaria xa que en 2025 incluíron unha partida con 1,5 millóns de euros, con previsión de 2M máis en 2026, para redacción proxecto transformación urbana de “Riazor. Reforma estadio e perímetro urbano”, pero a partida para o proxecto desapareceu nos Orzamentos de 2026”, sinala Lorenzo
“Sen proxecto non hai obra e sen obra non hai Mundial a pesar de que a Alcaldesa considera o proxecto como estratéxico para a cidade” , afirma
Lorenzo lembra que o discurso de Nadal de 2024 da alcaldesa estivo centrado na importancia da elección como sede, con referencias permanentes, pero no de 2025 non fixo nin unha alusión. “Desapareceu do discurso e dos orzamentos. É o momento de ser valentes e contar a verdade aos coruñeses”
