Tralo parón de Nadal, un grupo de 35 alumnos da UNED Senior Coruña, acompañado polo seu titor e coordinador Luís Ángel Rodríguez Patiño, iniciou o novo período lectivo cunha visita ao Aquarium Finisterrae.
Unha cita que serviu como primeira clase de Historia do ano. Guiados por persoal do centro, percorreron as principais salas do acuario e os espazos exteriores, combinando divulgación científica, historia e conciencia ambiental nun dos espazos culturais máis emblemáticos da Coruña.
