Despois de gañar ducias de concurso de relato curto de toda a xeografía (e algún do estado), Pedro Naveira lánzase por primeira vez á imprenta. O autor do Ventorrillo vén de xuntar unha marea deses premiados relatos curtos e microrrellatos, creados dende 2008, no seu primeiro libro: “En galego, en curto, en Galicia” [Ed. Toxosoutos].
El é funcionario da administración do estado, pero a súa paixón pola literatura foi medrando. “En 2008 comecei a participar en certames. Dende entón acadei varios premios que me foron animando a seguir”, cóntanos. “Ultimamente considerei que nalgún momento tiña que compartir os meus traballos e decidín dar o paso. E aquí estamos, con ilusión, moi satisfeito de publicar e… a ver que pasa”.
”Este conxunto de relatos curtos ten un contexto común, tan pequeno en aparencia como infinito en realidade: o da nosa terra galega”. Hai relatos sobre corrupción, sobre relacións interxeracionais, sobre lendas, sobre a pandemia, sobre emigración… ”un pequeno universo narrativo que intenta abranguer, cun aquel intimista, algunhas das características que debuxan o comportamento e a maneira de entender a vida dos galegos”.
Máis novas
Manuel Monge destaba a historia secuestrada de Juan Carlos I no seu novo libro
