Concello da Coruña, Concello de Culleredo e Xunta de Galicia chegaron hoxe a un principio de acordo para reforzar o servizo de taxis no aeroporto de Alvedro e, desta forma, mellorar os medios de transporte dispoñibles á terminal, acordo que abre a porta a que por primeira vez taxistas da Coruña poidan recoller pasaxeiros no aeródromo.
O convenio abre abre a posibilidade de que os taxistas da Coruña poidan prestar un servizo que si poden realizar os VTC.
Así, o servizo prestarase na parada por 10 taxis de Culleredo seguidos doutros 5 da Coruña e, tras eles, o resto de licencias de Culleredo. O aeroporto habilitará unha explanada contigua á parada para que poida estacionar alí a bolsa de reforzo do servizo composta por 30 taxis da Coruña que ofrecerán servizo en caso de que non sexa suficiente o número de vehículos estacionados na parada. Ademais, o aeroporto reordenará os carrís de circulación para simplificar o tránsito rodado e evitar irregularidades.
“O acordo alcanzado hoxe é un primeiro paso para mellorar a situación e engade seguridade xurídica para os taxistas da Coruña, mais non ofrece unha solución definitiva que o Concello seguirá a buscar”, sinalan fontes municipais.
Máis novas
Os taxistas volven colapsar a cidade para esixir unha ordenanza sobre os VTC
