Continúa avanzando o programa de actividades polo 30 aniversario da CUAC FM. Desta volta, a radio comunitaria da cidade será a anfitriona e organizadora do Encontro Estatal de Medios Comunitarios, que se celebra entre o 17 e o 19 de abril no Espazo Normal da Coruña.
Unha cita na que os Medios de Comunicación Comunitarios de toda España reivindicarán na Coruña que se cumpla a Lei Xeral de Comunicación Audiovisual. I é que dende o ano 2010 a normativa estatal recolle a obriga das administracións de conceder Licenzas de emisión para este tipo de medios, sen ánimo de lucro, que pertencen case na súa totalidade a asociacións culturais e veciñais. A lei actual, de xullo de 2022, segue sen cumplirse e ningún medio ten a súa licenza a día de hoxe.
A mesa redonda inaugural está aberta ao público e contará, entre outros relatores, con Alfonso Hermida, xornalista que viviu en primeira persoa os métodos da Radio Televisión púbilca galega para distorsionar a información que chega á cidadanía galega. Comezará ás 18:30 horas.
Grazas á colaboración do Concello da Coruña poden vivirse estas xornadas que ofrecerán tamén formacións como a de Nastasia Zürcher, cantante galega e formadora en coidado da voz, así como outras dunha representante da Secretaría de Estado de Comunicación, Salomé Herce, que impartirá outro obradorio sobre cómo combatir os bulos e a desinformación nos medios.
As xornadas completaranse o domingo con visita ás instalacións de CUAC FM na Zapateira e a puntos de interés turístico da cidade.
Para máis información podedes ollar o programa na web de CUAC FM, onde tamén poderán seguirse por streaming algún dos actos previstos.
Máis novas
A CUAC FM soplará ás velas do seu 30 aniversario este sábado 21 de marzo ás 13:04 en María Pita
2026 arrinca en clave de aniversario: 30 anos de CuacFM e 45 do Jazz Filloa
EscapeMotor, o espazo radiofónico máis potente da provincia faise na CUAC FM
