As familias da ANPA do CEIP Prácticas xa non aturan máis. Levan 2 anos de mobilizacións ante as graves carencias e deficiencias que sofre o centro, pero o “desleixo e o silencio da Xunta” ante o lamentable estado no que se atopan as instalacións, está colmando a súa paciencia.
Esta mañá de venres, despois de empapelar a entrada do centro con cintas de “alarma nuclear”, volveron concentrarse as portas do centro de Labañou e San Roque. A berros “Xunta, escoita, o Prácticas en Loita” quixeron amosar o seu cansanzo coas tres administracións implicadas no mantemento do centro educativo (Concello, UDC e
Xunta)
Armados con algúns cascos de obra, volveron saír á rúa para esixir melloras que garantan un ambiente seguro, saudable e axeitado para a aprendizaxe de 200 nenos e nenas. Porque defendemos unha escola pública e de calidade. Porque non aturamos máis. Queremos un colexio seguro e digno.
View this post on Instagram
Máis novas da loita da ANPA do CEIP Prácticas
