Hoxe, xoves 2 de xullo, e ata o sábado, o Martinete está de festa. De Festa dos Martelos, unha festa popular cunha fermosa historia, que volve gracias á Asociación Veciñal e Empresarial Monte Martelo e Asociación Veciñal San Cristovo das Viñas, que demostaron un gran traballo colaborativo.
Máis alá do divertido programa, a festa representa a unidade de seis barrios da Coruña: As Rañas, Birloque, Cabana, Martinete, Someso e San Cristovo das Viñas.
“Cremos que esta é unha historia de barrio que merece ser contada: veciños, empresas e asociacións traballando xuntos para traer de volta a esta zona unha festa popular que une a miles de persoas”, relátanos Ámar.
Este ano, o pregón que se celebra esta mesma tarde de xoves á partir das 19:00h na Praza Agustín Díaz, no aparcamento diante do Polideportivo de Elviña, estará a cargo de dúas figuras estreitamente relacionadas co Deportivo:
- Iago Iglesias, ex xogador do Deportivo e veciño do barrio.
- Augusto César Lendoiro, ex presidente do Real Club Deportivo.
As orquestras Saudade, America e Barcelo porán a nota musical nas noites dos xoves, venres e sábado, pero haberá moitas máis cousas, destacando o sábado a bendición dos coches polo San Cristovo e a churrascada
View this post on Instagram
Festas de Bens
Esta finde tamén hai Festas de Bens 2026 desenvolveranse do venres 3 ao domingo 5 de xullo, cun completo programa que inclúe actuacións musicais, propostas gastronómicas e actividades para todos os públicos. A programación arrincará o venres cunha churrascada popular (20.30 h) e verbena coa orquestra Los Satélites.
O sábado haberá sesión vermú co Dúo Crazy (14.30 h), seguida dunha nova degustación gastronómica e verbena co espectáculo Fania Blanco Show. O domingo será unha xornada máis tradicional e familiar, con dianas e alboradas, partido de fútbol entre veciños, misas olemne, sesión vermú con pulpo e actuación musical, festa infantil, torneo de chave e música de peche.
View this post on Instagram
Máis novas
Parque Ciudad “Monte Martelo”, un parque que cambia unha cidade
