Está dividido o deportivismo. Así se demostrou este xoves na manifestación convocada pola Federación de Peñas, Riazor Blues e Old Faces, tralo comezo do proceso de xentrificación que parece querer lanzar o club.
Cando todo parecía en calma, o club viña de cambiar o topónimo, xa anunciaba fichaxes importantes, a paz rompíase cun correo enviado só aos socios de Maratón Inferior. Un correo que provocaba unha ondada de indignación, que se fixeron patentes en centos de cartas como a que nos enviaba Marcos García Patiño.
As dúas peñas de Maratón co amparo da Federación que aglutina e representan aos centos de peñas espalladas polo mundo, realizaban unha asemblea aberta na Torre de Maratón o pasado xoves, na que se decidiu convocar unha manifestación para este xoves 16.
Polo camiño, para intentar calmar as augas, o club enviaba un correo o pasado mércores no que aseguraba que ía reducir a esixencias e que ía permitir por exemplo renovar o carnet a través de internet (ao tempo que invitaba a certos medios da cidade para trasladar a idea de que as medidas son impostas pola Liga), a pesar de que a sinatura presencial segue sendo obrigatoria. Unha nova trampa que non gustou nada aos 4.000 abonados da antiga General.
Arredor das 2.000 persoas na Praza de Pontevedra
Con esta situación, unhas 2.000 persoas acodían á chamada das Peñas e trala pancarta de ‘O Dépor somos nos’, percorrían o treito entre a Praza de Pontevedra e a sede de Abanca na Rúa Nova con San Andrés,
#oDéporSomosNos 🤍💙🤍💙🤍💙
Gran manifestación para protestar por las nuevas medidas de la grada de Maratón Inferior. pic.twitter.com/JuiNDjn5vj
— Eloy TP (@EloyTP) July 16, 2026
Manifesto ante a “criminalización”
Ás portas da sede, leron un manifesto, no que ante todo denunciaron a criminalización que supón impoñer unhas medidas específicas a toda unha bancada, lembrando que Riazor non ten unha grada de animación propiamente dita, senón que o grupo de animación, os Riazor Blues, comparten bancada con familias e persoas de todas as idades.
”As novas normas rompen coa estabilidade que existía na familia deportivista, creando unha fractura social sen precedentes e desfacendo a unión tan necesaria para acadar o éxito. As condicións ás que nos queren someter supoñen unha criminalización e unha discriminación para Marathon Inferior”, sinalaron con rotundida.
Non esqueceron apuntar que levan apoiando ao club nas boas e nas malas. Criticaron a indignante subida de prezos xeralizada, e non pasaron por alto esixencias concretas como a de non poder compartir o carnet con familiares ou amizades cando un non poida asistir.
Os participantes acabaron cantando “Depor si, Abanca non”, o que demostra a total fractura do deportivismo.
View this post on Instagram
Máis novas
A inxustiza, o relato, e a xentrificación poden levar por diante o mellor momento do Deportivo
A carta protesta dun socio cabreado ante a campaña de abonados do Dépor
