Este pasado venres inaugurouse no Centro Ágora a exposición «O Barrio da Zoca. Identidade, raíces e memoria dos Mariñeiros», unha mostra construída coa colaboración da asociación veciñal, das familias e das persoas vinculadas ao barrio.
A través de fotografías, documentos e obxectos cedidos pola propia veciñanza, a exposición recupera a historia dos Mariñeiros, a súa estreita relación co mar, o papel fundamental das mulleres, a vida cotiá e a forza dunha comunidade marcada pola solidariedade, o apoio mutuo e o orgullo de pertenza.
