Dende maio de 2023 leva caducada a xestión da piscina municipal de Santo Amaro. Unha situación irregular que provocou serios problemas no Club do Mar, que ten que asumir o déficit que implica a concesión vencida.

Esta semana o Tribunal Contencioso Nº1 resolvía unha sentenza en favor do Club do Mar, na que obriga a indemnizar aproximadamente 500.000€ á entidade case centenaria polos gastos na xestión do espazo municipal.

O BNG xa denunciaba a situación nos últimos anos en varias ocasións (a última a comezos de xuño), e onte era o PP o que aseguraba que vai pedir explicacións á rexedora Inés Rey ante a sentenza.

Os dous grupos non entenden por que non se realizou o novo contrato nestes 3 anos nos que se seguiu traballando en precario, provocando continuos problemas no servizo.