Os sindicatos UXT, CIG e CCOO, convocantes da folga de hostalaría na provincia da Coruña para o 12 de agosto, solicitaron a mediación do Consello Galego de Relacions Laborais no conflito, segundo informan nun comunicado no que precisan que agora se está á espera da resposta da patronal.
Serán a asociación provincial de empresarios de hostalaría da Coruña, a de empresarios de hostalaría de Ferrol e comarcas, a asociación de turismo e hostalaría Compostela, a asociación empresarial de hospedaxe da Coruña Hospeco e a Unión Hoteleira de Compostela “os que decidan se aceptan a mediación e tentan buscar un acordo para que se desconvoque a folga do día 12”, explican as organizacións sindicais.
Respecto diso, o secretario xeral do Sindicato Provincial de Servizos, Mobilidade e Consumo de UXT na Coruña, Juan Carreira, asegura que “a vontade dos sindicatos foi sempre a de negociar”.
“Sería unha tomadura de pelo ás persoas traballadoras e a toda a cidadanía que na prensa dixésese que había que negociar e que agora se rexeitase a mediación”, apostila.
