A Asociación Mobiliza, que promove a Escola da Bici e coida o Taller social Reciclos entre outras actividades, prepara unha nova xornada. Este venres 18 de setembro, de 09:30 a 18:30 h, o MUNCYT da Coruña, acolle a sesión chamada Mobilidades Invisibles no marco da Semana Europea da Mobilidade.
A xornada nace coa vontade de ampliar a mirada sobre a mobilidade e poñer en común outras formas de entender os desprazamentos e a relación co espazo urbana. E para iso faranse preguntas como “Que mobilidades vemos cando pensamos na cidade? Cales quedan en segundo plano? Que experiencias e necesidades deberiamos ter en conta cando deseñamos os espazos polos que nos movemos?”. Porque non todas as mobilidades son iguais, nin responden ás mesmas necesidades, ritmos ou condicións.
Ao longo do día contarán con diferentes voces e experiencias que nos permitirán abordar estas cuestións desde a reflexión e, especialmente, desde a práctica. Compartiremos experiencias, coñecementos, ferramentas e exemplos de aplicación, cun percorrido do análise á acción, buscando conectar o debate coa transformación real dos espazos e das formas de mobilidade. A xornada será tamén un espazo de encontro e intercambio, aberto a profesionais, entidades sociais, colectivos e persoas interesadas en pensar e transformar a mobilidade e o espazo público.
Máis novas
Abertas as inscricións para os novos cursos da Escola da Bici
Reciclos, o taller social de Mobi-Liza que segue espallando a cultura da bici
