Eva Martínez Acón e Esther Fontán, ex concelleiras socialistas na cidade herculina, continúan na batalla. As ex edís denunciaran por acoso laboral a varios membros do PSOE local nun caso que saltara á luz a finais do ano pasado no marco da Operación Tomé coa publicación de varios audios comprometidos.
A denuncia derivou á Executiva provincial, que lles notificou, inicialmente, a apertura dun expediente informativo, que se arquivaba o pasado mes de agosto.
Con todo, as ex concelleiras presentaron un recurso contra o devandito arquivo dos expendientes informativos previos, sendo por agora admitida a trámite por parte da Comisión Federal de Ética e Garantías do PSOE.
“O tempo vai pondo a cada un no seu sitio”
O portavoz do goberno local da Coruña, José Manuel Lage, a preguntas dos medios este pasado martes, apuntou que “o tempo vai pondo a cada un no seu sitio”. “Creo que a algunha xente xa a foi pondo no seu sitio”, insistiu para incidir en que o consistorio “está moi centrado en desenvolver un programa de goberno”.
“Nos próximos meses vanse a facer investimentos centradas nos barrios”, concretou tras sinalar que esta é a súa “principal preocupación”. “Estamos centrados en mellorar o día a día”, destacou.
Máis novas do caso
Sumar reclama a dimisión de Inés Rey e Lage Tuñas trala publicación dos audios
