InicioM.AMBIENTE E PATRIMONIOA Xunta pide celeridade aos concellos da área da Coruña para elaborar...

A Xunta pide celeridade aos concellos da área da Coruña para elaborar plans de emerxencia fronte a seca

Publicada o

Por monchomarino

A Xunta urxiu aos concellos dependentes do sistema de abastecemento do río Mero, Arteixo e ría da Coruña que axilicen a elaboración dos plans de emerxencia municipal fronte a seca, para poder anticiparse a esas situacións con medidas de control e aforro do consumo da auga.

A directora de Augas de Galicia, Teresa Gutiérrez, reuniuse este venres cos representantes dos municipios da área da Coruña para tratar de forma conxunta as posibles medidas a adoptar para o “estado de alerta por escaseza de auga”, declarada o 27 de setembro.

Na reunión participaron representantes dos concellos da Coruña, Abegondo, Arteixo, Bergondo, Betanzos, Cambre, Carral, Cerceda, Culleredo, Oleiros, Sada e de Emalcsa, como xestora do encoro de Cecebre. Así, ratificaron que as reservas do encoro de Cecebre continúan baixando, cunha ocupación actual do 45,57%, inferior á dos anos anteriores.

Por iso, a institución solicitou ás entidades locais da área, con máis de 20.000 habitantes, a “entrega inmediata” do Plan de seca municipal, ao que están obrigados por lei. Un documento que tamén lle requiriu a Emalcsa, como responsable do abastecemento en alta deste sistema.

Así mesmo, trataron as medidas que deberán adoptar conxuntamente, no caso de que empeore a situación do encoro de Cecebre, incluíndo a posibilidade de incrementar os recursos dispoñibles coa combinación de fontes de subministración ou activar as reservas estratéxicas de auga, como as existentes no lago das Encrobas.

ÚLTIMAS

A UDC destaca o apoio do pleno a Medicina: “Reforza a vontade de traballar na proposta”

O reitor da Universidade da Coruña (UDC), Ricardo Cao, mostrouse "moi satisfeito" polo apoio "unánime"...

Máis control no consumo de alcol en menores na Coruña

Axentes do Corpo Nacional de Policía e da Policía Local puxeron en marcha un...

O longo pleno sacou adiante a nova Taxa Turística, a ordenanza das VUT e a de mobilidade sostible

Longo pleno en María Pita. Máis de 9 horas de pleno (cun par de...

Noites do Porto mergullarase máis que nunca no ecosistema coruñés

Acolleu onte o mítico Bristol (na rúa Torreiro), a presentación do diverso festival Noites...

DEIXAR UN COMENTARIO

Please enter your comment!
Please enter your name here