Esta semana coñecimos a través dunhas fotos como é o novo Museo de Automoción e Historia da Coruña. Un MAHI que abría as súas portas na espectacular nave no Polígono de Sabón (Arteixo) cunha inauguración oficial este xoves 14 de decembro de 2023, nun acto que marcou un fito no mundo dos museos.
O acto contou coa presenza de destacadas personalidades, autoridades e medios de comunicación nacionais como alcalde de Arteixo, Carlos Calvelo; o presidente da Fundación Jorge Jove, Ángel Jove González; o Presidente de Honra e Fundador da Fundación Jorge Jove, Ángel Jove Capellán; a Subdelegada de Goberno María Rivas, e o presidente da Xunta de Galicia, don Alfonso Rueda. 
Ángel Jove González deixou claro que o “MAHI é moito máis que un museo da Automoción”, mentres que Jove Capellán lembrou que “este museo é a culminación de 25 anos de traballo e sitúa a Galicia como un referente europeo no sector da automoción”. De feito sinalaron que a idea foi concebida en 2003.
Posteriormente, máis de 150 asistentes, entre figuras do mundo do motor e da política, tiveron a oportunidade de explorar as fascinantes exposicións do MAHI, Museo da Automoción e da Historia, gozando dunha experiencia única e interactiva. A velada rematou cun agradable cóctel por cortesía de Elba Hotels.
O MAHI, que abrirá as súas portas ao público a partir do 16 de decembro ofrece unha experiencia que fusiona a historia do automóbil co rico patrimonio cultural de Galicia.
Ver a Galería do Museo MAHI:
Así é o MAHI, o Museo de Automoción e Historia da Coruña, que abre as súas portas o 16 de decembro
