Aló por 1935, o mesmo ano da fundación do Club do Mar, Uxío Carré Alavarellos recollía a Lenda do Santo Amaro. Este século XXI é Xurxo Souto o que toma o legado do escritor coruñés na intención de rescatar a fermosa lenda. O eterno dinamizador de Monte Alto foi protagonista, xunto co grupo teatral “Noite Bohemia”, do evento organizado polo colectivo Rego da Serpe (outro topónimo con historia que sinala o camiño que baixa ao areal) esta mañá de domingo sobre a propia area.
Abríase o sol para acoller unha mañá máxica nun areal onde se mesturaban os ambientes. No centro, a comitiva cultural. Na zona de Durmideiras os veciños sacaban o peito ao sol mentres lanzaban pelotas aos seus cans. Non fallaban os e as bañistas que aproveitan cada raio de sol para mollar o corpo. Na outra banda os mergulladores disfrutaban da calma do mar, e preto de onde varias voluntarias limpaban microplásticos con paciencia e compromiso, unha máquina municipal recuperaba o corpo sen vida dunha foca que aparecía varada na mesma mañá.
Xurxo puña en ambiente, presentaba a historia d“o santo navegante que atopou á illa do Paraíso”, que xa recolleu no o libro “Contos da Coruña” (Ed. Xerais, 2007). Unha fermosa lenda para trasladar aos nosos pequenos, e que serve ademais de vínculo coa romaría en Matamá, padroeiro da comunidade galega de Lisboa, sobre un santo que non recoñecía a relixión católica pero que tivo que adoptar tras vincularse con Mauro.
Ademais da bughina de Xurxo (e tamén o de Rodrigo Osorio), soaban as gaitas montealteñas, e tamén o acordeón de Xurxo, para dar paso á cantiga tradicional entoada polas bravas rapazas da compañía de “teatro de base” Noite Bohemia, antes de realizar conxuntamente unha versión teatralizada da lenda dirixida por Mariña.
Foi Javier Fdez. Mariño o que expuxo o traballo do seu grupo teatral, agradecendo a vontade e o talento das rapazas e dando pé a unha parte da montaxe que xa se preestreou no Curros Enríquez e que se estreará o vindeiro sábado 20 de xaneiro no propio Club do Mar, e á que toda a cidade está invitada.
”Amaromanía”
O movemento arredor de Santa Amaro xa está a ser tendencia e o propio Xurxo como Amaromaría completáse con outro proxecto fermoso: a banda herculina Bestas, de Pablo Canosa, está preparando unha versión punki da cantiga tradicional.
A xornada rematou con agradables conversas, pero tamén coas mesmas protagonistas que recreaban o mar callado da lenda e que entoaban a cantiga, recollendo os microplásticos coas súas propias mans.
Novas relacionadas
Xurxo Souto rescata a Romaría do Santo Amaro, a festa dos emigrantes galeg@s
ARTIGOS DE XURXO SOUTO NO XORNALDACORUÑA
- Dicionario antroideiro coruñés (II) A chistera marabillosa do señor Canzobre
- DICIONARIO ANTROIDEIRO (I): MOMENTO CORUÑENTO
- O Picho, a auga sagrada da Fonte de Santo Amaro.
- Co grelo na man.
- Aperta Coruñenta, Xornal da Coruña.
- A TOPONIMIA DAS PEDRAS PERCEBEIRAS DO MAR DA TORRE, A RUTA DE EMILIO MARIÑAS
- O retorno dos homes mariños.
- A ética das navallas de Manuel María.
