O Concello de Oleiros manifestou que a Demarcación de Costas deu por finalizado o dragado da ría do Burgo “sen facer os tramos pendentes” entre este municipio e Cambre. “O proxecto de rexeneración da ría non está terminado, Oleiros segue sen estar conectado con Cambre a través dun paseo marítimo, o que impide circunvalar toda a ría”, sostén nun comunicado.

Así, sinala que a nova zona verde creada na desembocadura do río do Seixo, dotada dun tramo de paseo marítimo, “non está conectada nin co paseo de Beiramar nin co paseo de Cambre”, ao que actualmente hai que acceder polo parque municipal da urbanización do Seixo.

Mentres o Ministerio non aborde estes dous tramos pendentes de paseo no Paraíso e no Seixo, o concello manterá pechadas, por precaución, as futuras conexións dos tramos dos paseos costeiros“, sostén o alcalde, Ángel García Seoane.