A ministra de Vivenda e Axenda Urbana, Isabel Rodríguez, puxo en valor o modelo “excepcional” desenvolvido entre o Concello da Coruña e o Goberno para a promoción de vivenda pública. Un barrio no que tamén a Xunta ten en marcha a construción de 520 vivendas protexidas.
Así, a ministra destacou o “impulso” do Goberno central “en colaboración coa Xunta e o Concello” para promover vivendas públicas ou protexidas no barrio, a través dos fondos do Plan de Recuperación e as achegas das demais administracións.
Fíxoo nunha visita ao barrio coruñés de Xuxán, en concreto a un edificio en construción de 50 pisos que financian o Concello da Coruña e o Goberno central, o primeiro cunha achega de oito millóns de euros e o segundo con dous millóns de euros.
Vivenda
No acto, houbo tamén reivindicación á necesidade de regular as vivendas turísticas, cuxa ordenanza no caso da Coruña levará ao pleno deste xoves, e tamén de abordar medidas, como a declaración de mercado tensionado, ante os prezos do aluguer.
A este respecto, a ministra confiou na “disposición” do Executivo galego para darlle resposta “con celeridade” á petición que formalizará o consistorio coruñés na primeira semana de marzo, precisou tamén a rexedora, á Xunta. Farao, segundo o goberno local, tras un informe que constata o cumprimento das condicións para a citada declarción na maioría dos distritos da cidade.
Máis novas sobre urbanismo
As 10 promocións urbanísticas formuladas na Coruña prevén a construción de 18.000 novas vivendas
#Ninmedionormal, a campaña de @o.novo.normal.coruna pola Emerxencia Inmobiliaria
