O sector veterinario ten dito basta. Xa este pasado martes, as clínicas de todo o estado fixeron un parón simbólico para denunciar varios asuntos que levan arrastrando darunte anos, aumentadas trala imposición de novas restricións á distribución e dispensación de medicamentos.

As mobilizacións continuarán e este mesmo domingo 23 de febreiro manifestaranse os profesionais da Coruña e Lugo ás 11:30h no Obelisco.

Selva, a primeira vítima do Real Decreto polo que as Veterinarias saen á rúa

As causas

Piden liberdade para prescribir medicamentos, coartada trala aprobación do Real Decreto 666/2023, que adapta unha Lei Europea para levar unha trazabilidade de cada medicamento. O Decreto obriga aos veterinarios a prescribir antibióticos seguindo indiscutiblemente as indicacións dos prospectos, obviando a experiencia e coartando a liberdade de criterio clínico.

Esta medida tamén provocará un retraso nos tratamentos, e un aumento de burocracia, e inclúe sancións de ata 1,2 millóns de euros para os veterinarios que non sigan as directrices.

Ademais, denuncian que levan arrastrando o IVA do 21% en todos os servizos durante demasiados anos, poñendo un “imposto de luxo” a un servizo sanitario.