Este mércores, a Xunta de Goberno Local aprobou o reformado do proxecto das
denominadas Casas de Franco. A obra suporá, finalmente, un investimento de 646.991 euros, en torno a 100.000 euros máis dos inicialmente previstos.

Dende o Concello aseguran que recollen as peticións que fixo a veciñanza e que foron engadidas ao documento

Novas vivendas sociais en Xuxán

Así mesmo, a Xunta de Goberno aprobou a concesión de dúas licenzas á cooperativa Galivivienda para acometer a construción de 150 novas vivendas en dúas parcelas do barrio de Xuxán, vivendas que estarán destinados a alugueiros sociais.

Os dous edificios teñen un prazo de execución de 36 meses e suman, no seu conxunto, un orzamento de 5,7 millóns de euros: 3,5 millóns o primeiro e 2,2 millóns o segundo.

Estes dous bloques súmanse ao outro de 50 vivendas para alugueiro social que o Concello ten en marcha en Xuxán, e outras 520 que ten a Xunta.
O Concello ademais vén de convocar un concurso público para destinar a ese mesmo fin outras tres parcelas das que o Concello é titular.

Xuxán como modelo de colaboración pública para promover vivenda protexida

Luz verde da Xunta ao informe ambiental de modificación do PXOM de Coruña para 520 vivendas protexidas máis en Xuxán