O Xardín de San Carlos, na Coruña, volve estar aberto á cidadanía desde este martes, despois de que o Concello completase os traballos de plantación de oito novos exemplares de olmo resistentes á grafiosis.
A alcaldesa herculina, Inés Rey, acompañada pola concelleira de Infraestruturas e Mobilidade, Noemí Díaz, informou hoxe as actuacións executadas nos últimos meses polos servizos municipais.
Foi no contexto do plan de rehabilitación integral do parque, “que non só incluíu a plantación dos olmos resistentes á enfermidade, senón tamén a realización de catas arqueolóxicas e a recuperación e impermeabilización do aseo público do xardín”.
Estas actuacións acometéronse despois de que a grafiosis afectase xa en 2022 a tres olmos. En paralelo, segundo informouse, avanza o estudo da muralla do xardín co obxectivo de restaurala.
