Trala concentración social celebrada na tarde de onte en María Pita, as institucións facían o propio esta mañá, diante da Subdelegación para amosar a repulsa ao asasinato machista acontecido esta fin de semana na Sagrada Familia.
A subdelegada do Goberno na Coruña, María Rivas, leu unha declaración institucional no minuto de silencio convocado, trasladando a súa “máis rotunda condena” polo asasinato por violencia de xénero de Maritza Hellen, de 49 anos, e reiterando o seu sentido pésame aos seus familiares e achegados, en nome do Ministerio de Igualdade, as Delegacións e
Subdelegacións do Goberno de España e as Direccións Insulares da Administración Xeral do Estado.
A Subdelegada resaltou que “como sociedade democrática, non podemos tolerar ningún tipo de violencia contra as mulleres polo feito de ser mulleres. A violencia machista é unha violencia estrutural, sustentada na discriminación sexista, a desigualdade e o desequilibrio nas relacións de poder entre mulleres e homes”.
“A violencia contra as mulleres e nenas vulnera os seus dereitos fundamentais á vida, á liberdade, á integridade física e moral, á igualdade e á dignidade”, concluíu.
Con este crime son xa 14 (a segunda en Galicia) as mulleres asasinadas en 2025 a mans da súa parella ou exparella, e once as criaturas menores de idade que quedaron orfas. Desde 203, foron asasinadas 1.308 mulleres por violencia de xénero. Desde 2013, son 63 os nenos e nenas asasinados por violencia de xénero contra a súa nai e 480 o número de nenos e nenas orfos por violencia de xénero en España.
View this post on Instagram
Máis novas do caso
Unhas 200 persoas concéntranse na Coruña para condenar o feminicidio da Sagrada Familia
A muller asasinada na Sagrada Familia pola súa parella estaba no sistema VioGén
